தமிழில் கூட்டப்பொருள் தரும் வேர்ச்சொற்கள், தாழ்வுப்பொருளையும் துளைப்பொருளையும் தரும் பல சொற்களைத் தோற்றுவித்துள்ளன. ‘உம்’ என்னும் ஓர் கூட்டப்பொருள் வேர், உம்-அம்–அவ்–அவல் எனத் தமிழில் தாழ்வுப்பொருள் தரும் சொல்லினை உருவாக்கியது. இவ் ‘அவ’ சொல், சமற்கிருதத்தில் ava, apa எனவும் மேலை இந்தோ-ஐரோப்பியக் கிரேக்கத்தில் apo எனவும் அவெஸ்தான் மொழியில் apa எனவும் ஆங்கிலத்தில் off எனவும் திரிந்தது. சொல்லுதல் என்னும் பொருள்தரும் ‘logy’ சொல்லின் முன்னொட்டாக ‘apo’ என்னும் சொல் சேர்ந்து, ‘apology’ என்னும் சொல்லைத் தோற்றுவித்தது. சொல்லுதலிலிருந்து பின்வாங்குவது (away from the speech) என்பதே ‘apology’ சொல்லின் வேர்ப்பொருளாகும்.