‘இறை’, ‘இட்டு’ என்பன தமிழில் சிறியது என்னும் பொருள் தருவன. ‘இல்’ என்னும் கூட்டக்கருத்து வேரி லிருந்து சிறிதாதல் பொருள் தோன்றும் நெறியில், இல் – இற் - இறு -இறை எனவும் இல் – இற் - இறு - இற்று – இட்டு எனவும் இவ் இரு சொற்களும் தோன்றின. சிறிய செங்கல், பழந்தமிழில் ‘இட்டிகை’ என அழைக்கப் பட்டது. மேலை இந்தோ-ஐரோப்பிய மொழி களில் ‘et’ என்னும் வடிவில் சிறுமைப் பொருள் பின்னொட்டாகத் தமிழின் இவ் ‘இட்டு’ சொல் பல சொற்களில் சேர்ந்து வழங்குகிறது. இந்த ‘-et’ ஆகிய பின்னொட்டின் வரலாற்று தெரியவில்லை என்றே அனைத்து மேலை இந்தோ-ஐரோப்பிய வேர்ச்சொல் அகராதிகளும் எழுதியுள்ளன. கீழை இந்தோ-ஐரோப்பியச் சமற்கிருதத்தில் ‘இட்டு’ ஆகிய தமிழ் ‘istaka’ எனச் சொல்லப்படுகிறது.
‘இட்டு’ எனச் சிறியதைக் குறித்த சொல், பின்னர், ‘சிட்டு’ எனவும் திரிந்து அதே பொருளைத் தந்தது. சிறியது எனப் பொருள் தந்த ‘சிட்டு’ ஆகிய இச் சொல், இந்திய மொழி களாகிய மராத்தி, இந்தியிலும் வழங்கு கிறது. ஆங்கிலத்திலும் இச் சொல், ‘chit’, ‘chitty’ ஆகிய வடிவங்களில் ஆளப்பெறுகிறது. ஆக்சுபோர்டு பேரகராதி, இச் சொற்கள் தமிழ்வழித் தோன்றியதாகக் கூறியுள்ளது குறிப்பிடத்தக்கது.